Repke Tepke

Weer zeen Zaate Hermenie Repke Tepke en weer komme oet Pey en Ech. Woorom Pey en Ech? Weer zeen oorspronkelijk opgerichtj es vereniging van Pey, mer rippetere sinds juli 2005 bie de Stoba in Ech. Om alle gemoedere in ’t midde te laote komme weer dus oet Pey en Ech! Repke Tepke is ein club die bestuitj oet allemaol jeugdige mansluuj en vrouwluuj, die samen lol, plezeer en meziek make.

Het hoagtepuntj in het bestaon is het behaole van de titel Limburgs Kampioen Zaate Hermeniekes in 2006 en de organisasie van het grandioze LKZH in 2007. Det woor ein onvergaetelijk evenement wo weer nog dök aan terök dènke. Op dit moment zeen weer op zeuk nao nuuj en leuke dingen om op te pakke. Weer wille namelijk neet mieë eeder jaor einzelfdje programma aafloupe. En det löktj good!