CD-oetgaves

Vanaaf het moment det weer in 2001 zeen opgerichtj, höbbe weer op tal van activiteiten nummers gespeeltj. Van al die nummers höbbe weer in 2004 en in 2009 de bèste gepaktj en op ein echte ceedee opgenomme.
 

 

 

 

 

 

 

CD: Repke Tepke Greetest Hits (2009)

Nao ’t suksès van de CD Rap nao d’n Tap (2005) höbbe weer ein nuuj CD opgenomme, genaamtj “Repke Tepke Greetest Hits”. Greetest Hits is ein verassendje CD mit ein breid scala aan nummers. Van populaire meziek tot klassiekers en natuurlik Vastelaovesnummers. In totaal tèltj de CD mer leefs 16 plate, woônger de Aestersjlager van 2009 “Det zeen w‘r mörgevreug waal weer“. Anger nummers zeen “These Boots are made for Walking”, “Greumelevlaai” en “Samba di Janeiro”. En det is slechts eine greep oet ’t ganse assortiment. Es oesmieter stuitj d’r auch nog ein speciaal bonustrack op, die same mit de Awt Prinsen van de Aester is opgenomme en live door hen is ingezonge. Een echte topper dus!

Naeve 16x meziek stuitj d’r in het oetklapbare hoesje allerlei informasie äöver Repke Tepke. Van memorabele momente tot ein väörstelrunj van alle instrumentsecties en anger leuke dènger. Natuurlik zoaes geer det van os kèntj verwachte.

De volgendje nummers staon op de CD: (1) Pierre Sjeetgewaer, (2) Country Roads, (3) De Sjlaag om de Koppeleberg, (4) De Sjoon van Mozes, (5) These Boots are made for Walking, (6) Och Leeve Hieër, (7) Det zeen weer Mörgevreug waal weer (Aestersjlager 2009), (8) Oet Limburg kömtj de Meziek, (9) Rock around the Clock, (10) De Mèk, (11) Marmor, Stein und Eisen bricht, (12) Maria, (13) Greumelevlaai, (14) Samba de Janeiro, (15) Gekke Minse en (16) Bonus: Prinse väör ’t Laeve.

 

 

 

CD: Rap nao d’n Tap (2005)

In december 2004 höbbe weer in de BPM Studio in Lanaken oos iëste echte CD opgenomme. De ganse aovendj höbbe weer hiej oos uuterste bès gedaon om d’er get sjieks van te make. Nao get gesjuuf mit get knupkes, ein paar instellingen aan de microfoons en ein paar inspeelnummers zeen weer begosj, mit es resultaat ein aantal sjieke nummers van os in digitale vorm.

Weer höbbe d’rväör gekaoze om echte ‘Repke Tepke’ nummers op de CD te zitte. Knallendj, vlot en väöral sjiek. Het resultaat van deeze aovendj woor ein prachtige CD mit hoesje en op waat weer rondj de Kerst höbbe gekreege. Ein waek later is de ‘producsie’ gestartj en zeen de iëste CD’s aan de leeje oetgereiktj. Eederein woor dolenthousiast waat haef geleidtj tot ein totale verkoup van zon 320 cd’s….get prachtigs dus.

In totaal staon d’er 9 nummers op de CD, wo-onger de Aestersjlager van 2005, dae weer samen mit Marcel Dirchs väör Vastelaovesvereniging de Aester Ech höbbe gemaaktj. Het is de aenige echte sjlager gewoore van de vastelaovendj 2005 en in het biejzunjer väör ooze groate vrundj Prins Jos I en auch natuurlijk väör Jeugdprins Bob.

Op de ceedee staon de volgendje nummers: (1) Repke Tepke Intro, (2) Tietûh Parade, (3) Väör de Kirk op ’t Plein, (4) I’ve got the Music in Me, (5) Nae, nae ich wil dich neet!, (6) Rap nao d’n Tap (Aestersjlager 2005), (7) Happy Together, (8) Yesterday Man en (9) Dans Amelberga.