Lèste Nuuts...

Frank en Paultje komme mit de sjrik vriej!

Frank en Paultje komme mit de sjrik vriej!

“Waat ein gelök höbbe weer gehadj’, aldus Frank naodet d’r mit de traumahelicopter is gelandj in het Pejjer landj. Auch Paultje sj�tj naeknikkendj ziene kop, ‘wiej is het mögelik det zoaget geböärdj’.

Het woor eine sjoane vriedigmiddig in fibberwarie. Frank en Paul hawwe allebei eine snipperdaag gepaktj, want het stong al waeke op de planning: deze vriedig zoewe ze verkledj de kroegen in Remunj aafgaon en det in de nuujgekochte vastelaoveskleier.

Zoa gezag, zoa gedaon: op en top woore ze om 14.00u lokale tied aangekomme oppe staasje in Remunj. De minse keeke waal get vraemdj, mer door de net-opgedronke 1,5 liter fles Bacardi deerdje det de twië neet mië.

De sfeer zoot d’r al lekker in en de iëste twië kroege ginge ze den auch in rap tempo aaf. Het nuëdige beer waerdje achteröäver gehouwe totdet ze opens wiej eine gek moste pisse (correctie: nao de wc mooste). Al rennendj vlooge ze de kefïe oet, neet weitendj wo ze oet zoewe komme. Door de beerkes en de laeg fles Bacardi wiste ze al neet mië wo ze haer ginge en per ongelök pakdje ze de trein terök nao Ech.

Mit get elastiekskes en get plekbandj wiste ze de boel onger op slaot te hoaje waat hun get tied goof om eine sjoan wc te vünje. Al rennendj koome ze de trein in Ech oet, onger de spaorbuim door, de waeg op. Zonger nao te denke zatte ze het op ein loupe. De twië woore zoa zaate det ze van vöär neet mië wiste waat ze van achter woore.

Al rennendj koome ze biej de kenjerboerderiej van Pepijn oet wo Paultje tot zien verbazing ein aopenbaar toilet zoog staon. Frank dach direct aan eine fata morgana aangezeen ze al zon half oer geine dröppel beer mië hawwe gehadj. Paultje huördje hem nog neet aan en woor al öäver het hek geklomme om zien boadjap in de wc te doon. Frank volgdje vlot en het geklaater woor tot op de Slek te heure.

Al lachendj en zeikendj begooste ze te vertelle waat ein grap det toch neet woor; dao stonge ze den op de k�njerboerderiej biej de Pepijn. Het gelach doerdje korter den verwach, toen Frank plotseling oug in oug koom te staon mit de nuuje aanw�ns van de boerderiej: eine menkes buffel oet Afrika.

De twië wiste neet wiej vlot ze aaf koste kniepe om het vervolgens op ein renne te zitte. De buffel leet het d’r echter neet biej zitte en zoot de achtervolging in. Mit ongekendje snelheid raasdje de twie door de drek in de dierentuin. Helaas woor de snelheid te hoag om fatsuunlik öäver het hek te kenne sprenge en dus höbbe diej 2 zon oer motte renne, totdet plotseling de traumahelicopter hen koom redde.

Mit ein sierlik touw zeen oeteindelik de twië verkledje fiësgängers geredj oet de klawwe van de buffel. Ein avontuur om noats mië te vergaete.

‘Wer zulle in het vervolg mer in de wc van de kroeg zelf gaon pisse’, zaetj eine bibberendje Paultje. Mörgenaovendj doon de twië hun verhaol biej Hart van Nederlandj, wo altied van zon (belachelikke) ongerwerpe biejkomme.

Lèste Nuuts...

’t Verke

’t Verke

Het varken (’t verke). Det is de titel dae eine sjoaljong oet Deetere jaore geleeje aan eine opstel mitgoof. Ein opstel det in ein awd nummer van de Schakel van december 1947 en auch op 8 oktoaber 1981 in het Limburgs Daagblaad haef gestange. Het is erg leuk, laes mer ens hiejonger.

‘Het varken is voornamelijk gemaakt van spek. Daar zit een huid omheen met haar en dat heet varkenshaar omdat het anders fout is. Spek dat heel lekker smaakt heet ham. Die is aan de achterkant vastgemaakt omdat het varken er dan zelf niet aankan. Men kan altijd weten waar achter is bij een varken omdat het daar niet knort. Recht daar tegenover is de voorkant van het varken. Daar is de kop vastgemaakt omdat daar het varken eet. Met de darmen van het varken is het vreemd. Zolang het varken leeft zitten de darmen in het varken, maar als het dood is doet men het varken in de darmen en dat heet worst.

Een varken dat helemaal in de war is heet zult; een latijns woord voor zult is hoofdkaas. Kaashoofd is geen latijn want dat heb ik, en kaaskop is echt Hollands. In het lijf van een varken zit de fruitblaas. Die dient om mee te voetballen en ik begrijp niet hoe ze die erin hebben gekregen, want waar ze door moet is heel klein. Het varken is de vriend van de timmerman want het zorgt dat het een pezerik bij zich heeft en die krijgt de timmerman als hij dood is, ik bedoel het varken natuurlijk. Die pezerik is om de zaag niet te laten piepen, want dat klinkt zo eng’.